Kur Duhanpirësit Lënë Duhanin

Kur Duhanpirësit Lënë Duhanin – Dobitë Shëndetësore Me Kalimin e Kohës

 

Mendoj që njëra prej arseve kryesore pse është aq e vështirë të lëmë duhanin është se të gjithë dobitë shëndetësore që do të arrish nëse lëni duhanin dhe të gjitha rreziqet nëse vazhdon duken shumë të largëta. Mirë, atëherë më poshtë keni disa prej efekteve të menjëhershme, kuptohet po flasim për dobi shëndetësore të lenies se duhanit dhe se si kjo do të ndikoj për së miri në trupin tuaj.

20 minuta pas lënies së duhanit

Shtypja e gjakut dhe pulsi zemrës bien

12 orë pas lënies së duhanit

Niveli i monoksid karbonit në gjak bie në nivel normal.

2 javë deri 3 muaj pas lënies së duhanit

Përmirësohet qarkullimi dhe shtohet funksioni i mushkërive

1 deri 9 muaj pas lënies së duhanit

Zvogëlohet kollitja dhe frymëmarrja e shkurt; cilia (struktura që gjasojn në qime që lëvizin duke nxjerr mukozën jasht mushkërive) fillojnë të rimarrin funksionin normal në mushkëri, duke shtuar aftësinë që të pastrojnë mushkëritë dhe zvogëlojnë rrezikun e infeksionit.

1 vit pas lënies së duhanit

Rreziku i tepruar i sulmit në zemër përgjysmohet në krahasim me ata që vazhdojnë të pin duhan

5 vite pas lënies së duhanit

Rreziku i kancerit të gojës, fytit, ezofagut dhe fshikëzës përgjysmohet. Kanceri i qafës së mitrës bie në nivel të jo-duhanpirësve. Rreziku i goditjes në tru bie në nivel të jo-duhanpirësve pas 2-5 vite.

10 vite pasi ta keni lënë duhanin

Rreziku i vdekjes nga kanceri mushkërive është përgjysmë krahasuar me atë që vazhdon të pi duhan. Rreziku i kancerit të laringut (kutis së zërit) dhe edhe pankreasit zvogëlohet dukshëm.

15 vite pas lënies së duhanit

Rreziku i sëmundje koronare të zemrës është i njëjtë me të atyre që nuk kanë pirë duhan.

Këto janë disa nga dobitë shëndetësore e lënies së duhanit njëherë e përgjithmonë. Lënia e duhanit shkurton rrezikun e diabetit, mundëson që enët e gjakut të punojnë më mirë dhe ndihmon zemrën dhe mushkëritë. Ta lësh duhanin gjersa je në moshë të re mundëson që akoma më shumë të zvogëlosh rreziqet shëndetësore, por ta lësh duhanin në çfarëdo moshe të ndihmon ti kthesh vetës ca vite jetë që përndryshe do humbin nëse vazhdon të pish duhan.