SI TË FITOHET QËNDRUESHMËRIA

 
Nga libri: Mendohu dhe pasurohu 


Cila është ajo fuqi mistike që ia jepë njerëzve të qëndrueshëm aftësinë që t'i mbizotërojnë vështirësitë? A e vendosë kualiteti i qëndrueshmërisë në mendjen e njeriut ndonjë lloj aktiviteti shpirtëror, mental ose kimik, të cilat këto ia mundësojnë afrimin në forcat
Si të fitohet qëndrueshmëria
Ekzistojnë katër hapa të rëndomtë të cilët çojnë kah shprehia që njeriu të bëhet i qëndrueshëm. Ato
nuk kërkojnë ndonjë inteligjencë të madhe, kurrëfarë edukimi të veçantë por kohë mjaft të shkurtër si dhe mund. Këto hapa të domosdoshme janë:
1. qëllimi i përcaktuar, i përcjellur me dëshirën e zjarrtë për realizimin etij;
2. plani i përcaktuar, i shprehur në kuadër të veprimit të vazhdueshëm;
3. mendja, e rezistueshme për të gjitha propozimet negative të t'afërmëve, shokëve dhe të njohurve;
4. lidhja miqësore me një ose më shumë persona, të cilët do t'ju kurajojnë që të shkoni më tej, edhe në plane edhe në synime.
Këto hapa janë me rëndësi thelbësore për sukses në të gjitha profesionet e mundshme. Qëllimi kryesor i trembëdhjetë principeve të kësaj filozofie është që njeriut t'i mundësojë që këto hapa t'i pranojë si një gjë shprehie.
Këto janë hapat me të cilat njeriu mund ta kontrolloje fatin e vet ekonomik.
Këto janë hapat të cilat çojnë kah liria dhe pavarësia e mendimeve.
Këto janë hapat të cilat çojnë kah pasuria, e madhe dhe e vogël.
Këto çojnë kah fuqia. fama dhe mirenjohja e njerëzve.
Këto janë hapat të cilat i garantojnë "rastet e papritura" të volitshme.
Këto janë hapat të cilat i shndërrojnë ëndrrat në realitet fizik.
Këto, poashtu, çojnë kah mbizotërimi i frikës, dekurajimit, indiferentizmit.
Shpërblimi madhështor i pret të gjithë ata të cilët mësojnë t'i shfrytëzojnë këto hapa. Ai përbëhet në privilegjin që ta shkruani vet fatin tuaj dhe ta detyroni jetën që t'ju paguajë çdo çmim që e kërkoni.


Si të mbizotërohen vështirësitë


Cila është ajo fuqi mistike që ia jepë njerëzve të qëndrueshëm aftësinë që t'i mbizotërojnë vështirësitë? A e vendosë kualiteti i qëndrueshmërisë në mendjen e njeriut ndonjë lloj aktiviteti shpirtëror, mental ose kimik, të cilat këto ia mundësojnë afrimin në forcat mbinatyrore? A e lë anash inteligjenca e pafundme personin, i cili pas betejës së humbur vazhdon të luftojë me gjithë botën në anën e kundërshtarit?
Këto dhe shumë pyetje të tjera të ngjashme kalonin nëpër vetëdijen time deri sa i studioja njerëzit sikur Henri Fordi, i cili filloi prej zeros dhe e ndërtoi mbretërinë e vet industriale. Kapitali i tij fillestar ishte qëndrueshmëria. Ose, sikur Tomas A. Edisoni, i cili, me më pak se tre muaj shkolle, u bë shpikësi kryesor në botë i cili e shndërroi qëndrueshmërinë e vet në makinë që flet, në makinë me fotografi lëvizëse dhe në poçin me fije të skuqura, e të mos i përmendim pesëdhjetë shpikjet tjera të dobishme.
Unë e kisha nderin ta analizoj edhe z.Ford edhe z.Edison, nga viti në vit, gjatë një periudhe të gjatë, pra e kisha rastin t'i analizoj nga afërsia, ashtu që të mundem nga dora e parë të them se në asnjërin prej tyre nuk e kam zbuluar kurrëfarë kualiteti tjetër pranë qëndrueshmërisë, kualitet i cili, ndoshta edhe për së largu, do të mund ta shënonte burimin kryesor të realizimeve të tyre mahnitëse.
Deri sa e shkruan studimin e paanshëm për profetët, filozofët, njerëzit e aftësive mbinatyrore dhe liderëve religjioze nga e kaluara, njeriut i imponohet një përfundim i pashmangshëm se qëndruesh ëri , orvatja e kontrolluar dhe përcaktueshmëria e qëllimit janë burimet kryesore të realizimeve të Ere.
Merreni, për shëmbull, tregimin e çuditshëm dhe mahnitës mbi Muhamedin, analizojeni jetën e tij, krahasojeni me njerëzit të cilët realizuan arritje të mëdha në këtë kohë moderne të industrisë dhe financave, dhe do të vëreni se të gjithë këta e kanë një veti të përbashkët të shprehur - qëndrueshmërinë!