Gjykimi

Një nga gjërat më të vështira, por edhe më

e rëndësishmja në jetë është ajo që të mos e

ndajmë jetën në gjëra të mira dhe idiotike, që

të mos e ndajmë fare. Të gjitha ato gjëra janë

pjesë e së njëjtës tërësi.

E nevojshme është të kemi vetëm pak ndjesi

për humor. Për mua, ndjesia për humor

është shumë e rëndësishme që njeriu të jetë

tërësor.

Çfarë ka të keqe në gjërat e vogla, idiotike?

Pse nuk mund të qeshësh dhe të kënaqesh me

to? Tërë kohën ti vetëm gjykon mbi atë se çfarë

është mirë, e çfarë keq. Tërë kohën ti vetëm rri

në karrigen e gjyqtarit – dhe ajo të bën aq serioz.

Lulja është e bukur, por ç’duhet gjembi? Ai

është pjesë e pandashme në ekzistencën e

lules. Lulja nuk mund të ekzistojë pa gjembin,

ai e mbron. Gjembi ka rëndësinë e vet, qëllimin

e vet, kuptimin e vet.

Ndërkaq, ti bën ndarjen – lulja është e

bukur, kurse gjembi i shëmtuar. Porse në vetë

trungun është i njëjti lëng që ushqen edhe

lulen edhe gjembin. Në jetën e drurit nuk

ekziston ndarja, nuk ekziston gjykimi. Lulja

nuk është vetëm e mbrojtura, kurse gjembi

vetëm ai që mbron; të dy së bashku janë tërësi

e pranueshme.

Dhe këtë do të duhej zbatuar në jetë.

Ekzistojnë gjëra, gjëra të vogla të cilat, po i

gjykove, duken marroqe, idiotike. Por kjo është

vetëm shkaku se i gjykon; mos e bëj atë dhe do

të shohësh se edhe ato e kanë kuptimin e

ekzistencës.


OSHO